Jacaylka lamaanaha waa aasaska nolol kasta oo guur ama xiriirka ka dhaxeeya lamaanaha. Waa dareen u baahan in la ilaaliyo, la kobciyo, la daryeelo, lana xoojiyo si uusan u wiiqmin. Jacaylka lamaanaha waxa uu u baahan yahay dadaal joogto ah si loo hubiyo in uu sii xoogaysto siina awoodaysto. Lamaanaha is jecel waa inay mar walba dadaal geliyaan si jacaylka lamaanaha uu u noqdo mid xooggan oo waqti dheer sii jiri kara. Maqaalkan, waxaan kaga hadli doonnaa 10 talaabo oo muhiim ah oo jacaylka lamaanaha xoojin kara.
1. Wada-xiriir Wanaagsan oo joogta ah.
Jacaylka lamaanaha waxa uu ku saleysan yahay is faham iyo wada-xiriir wanaagsan Isla markaana joogto ah. Inaad si furan u wada hadashaan, dareenkiina iyo baahiyihiinana aad si fudud isugu sheegtaan waa arin aad muhiim u ah. Mar kasta iskuday inaad lammaanahaaga si daacad ah ula hadasho si jacaylka lamaanahaaga u noqdo mid joogto ah.
2. Is-Faham Iyo Dulqaad dheeri ah.
Lammaanaha is jecel mararka qaar way isku dhacaan, laakiin muhiimaddu waxay tahay in la isku dulqaato sidoo kalena la isku samro. Isku day inaad fahamto dareenka lammaanahaaga oo aad tusto xushmad iyo ixtiraam dheeri ah. Si uu u guulaysto xiriirku Dulqaadka iyo is-fahamka ayaa muhiim u ah jacaylka labada lamaane.
3. Waqti La Qaado Lamaanahaaga xili kasta oo aad firaaqo tahay
Jacaylka lamaanaha waxa uu sii xoogaystaa marka waqti la isla qaato. Haddi ay tahay in aad wada baxdaan, filim wada daawataan, ama wax cusub wada sameysaan, waqti wada qaadashadu waa furaha xiriir adag. Waqtiga la wada qaato wuxuu xoojiyaa jacaylka lamaanaha.
Sidoo kale akhri: Sidee U Dhisi kartaa qoys wanaagsan oo leh nidaam iyo kalsooni
4. Mahadcelin Iyo Bogaadin
Mar walba mahadceli una sheeg lammaanahaaga sida uu kuu farxad geliyo. Bogaadintu waxay kordhisaa kalsoonida, waxayna xoojisaa jacaylka labada lamaane. Erayo mahadcelin leh iyo bogaadin waxay sare u qaadaan dareenka jacaylka lamaanaha.
5. U Fiirso Baahida Lamaanahaaga
Lammaanaha is jecel waa inay is fahmaan, waxna iska dareemaan. Ogow waxa lammaanahaaga uu jecel yahay iyo waxa uu ka helin, si aad xiriirka uga dhigto mid xiiso leh. Marka aad dareento baahida lamaanahaaga, jacaylka lamaanaha wuu sii xoogeysanayaa.
6. Wax Isku Keen Sameeya
Xiriir adag wuxuu u baahan yahay in lamaanuhu ay sameeyaan wax ay wada jecel yihiin. Haddii aad wada cunteyneysaan, jimicsi wada sameyneysaan, ama aad wada dalxiis tagaysaan, waxay kaa caawinaysaa inaad sii xoojisaan jacaylka lamaanaha.
6. Isku Day Wax Cusub
Xiriirka lamaanaha mararka qaar wuu caajis gelin karaa, sidaas darteed isku day wax cusub oo xiiso gelinaya xiriirka. Tusaale ahaan, safarro wada aada, ama wax cusub baro lammaanahaaga. Isbeddelka joogtada ah wuxuu xoojiyaa jacaylka lamaanaha.
8. Isku Qadarinta Iyo Xushmadda
Xiriirka guuleysta waxaa saldhig u ah ixtiraam iyo xushmad. Mar walba xusuuso in lammaanahaagu uu mudan yahay qadarin iyo ixtiraam. Marka la is qadariyo, jacaylka lamaanaha ka dhaxeeya waa mid sii xoogeysanaya.
Sidoo kale akhri: qofka ku jecel 7 calaamadood oo aad ku ogaan karto
9. Xallinta Khilaafaadka Si Deggan
Khilaaf waa wax dabiici ah oo ka dhex dhaca lammaanaha, balse waa muhiim in si degan loo xalliyo. Iska ilaali dagaal iyo hadallo xunxun, isku day inaad xal raadis ku jirto halkii aad muran gelin lahayd. Marka khilaafaadka si xasiloon loo xaliyo, jacaylka lamaanaha wuu sii adkaadaa.
10. Xiriirka Jacayl ee lamaanaha oo lasii Xoojiyo.
Si jacaylka lamaanaha uu u sii jiro, waxaa lama huraan ah in si joogto ah loo xoojiyo. Jacaylka lamaanaha waa sida geed u baahan in la waraabiyo, la daryeelo, loona sameeyo wax kasta oo korinaya. Mar kasta oo aad dadaasho, jacaylka lamaanahaagu wuu sii xoogeysanayaa.
Gunaanad
Jacaylka lamaanaha waa wax aad muhiim u ah, wuxuuna u baahan yahay dadaal, dulqaad, iyo xushmad. Haddii aad raacdo talaabooyinka iyo xeeladaha kor ku xusan, waxaad heli doontaa xiriir xooggan, xasilloon, kuna saleysan jacayl dhab ah. Xusuusnow, jacaylka lama filaanka ah ma yimaado, ee waa la dhisaa!.
